Heimestell

Hulda Garborg har i Heimestell samla og formulerte eit matstell som ho meinte var til glede for folk og godt for landet. Ho brukte bygdeidentiteten som eit retorisk grep for å selja inn radikale utopiske tankar. Stoltheita over bygdekunnskapen og glede, openheit og stoltheit over si breie internasjonale danning var to tankar som gjekk saman hos henne. Denne vidsynte Hulda-miksen kan framleis stimulera nye idear om kva som er mattradisjonen vår, og inspirera til open gastronomisk fornying av vår nasjonale kost. (Frå Arnhild Skre sitt etterord.)