Opplev Sognefjorden - ein reiseguide til Noregs hjarte

Boka tek oss med på ei rik reise langs Sognefjorden - frå kysten i vest til Jotunheimen i aust. Den allsidige reiseguiden er både ei praktisk handbok og ei fyldig illustrert praktbok. Gjennom bilete, kart og fakta får vi inspirasjon og informasjon om kva dei ulike kommunane langs Sognefjorden har å by på - frå historiske attraksjonar til fotturar, aktivitetar og moderne friluftsliv. Boka dekker kommunane Solund, Hyllestad, Gulen, Høyanger, Balestrand, Vik, Aurland, Lærdal, Årdal, Leikanger, Sogndal og Luster. Kvar kommune er presentert med oversiktlege kart der attraksjonane og aktivitetane er teikna inn. Saman med fyldig faktainformasjon blir det lett for både tilreisande og fastbuande å finne fram. Gjennom boka blir vi kjende med eit breitt utval av kultur- og naturopplevingar som fjord-, bre og fjellaktivitetar, nasjonale turistvegar, stav- og steinkyrkjer, m.m.