Snikande gjeld - pengar er dyre når du må låne dei!

Ein film om hurtiglån … Klart! Ein slik film skulle han lage! Tobias laga filmar på nettbrettet sitt, og han var skikkeleg flink til det. «God dag alle saman. Takk for at de vil sjå filmen min! I dag handlar det om hurtiglån. Det er pengar du kan låne hos nokre firma på nettet. Til dømes kan du låne 5000 kroner. I løpet av eitt minutt har du pengane på bankkontoen din. Det einaste du må gjere, er å betale pengane tilbake innan 30 dagar. Men kva om du ikkje kan betale lånet tilbake?» Snikande gjeld er ei bok i serien Eventyrleg matematikk. Dei spennande bøkene handlar om menneske som løyste matematiske gåter. Dei var nysgjerrige og oppfinnsame og fantasifulle. Og dei hadde ein stor porsjon mot.